فاش كتحلم تكون “معارض” ولكن الحرفة ما كايناش والديبلوم الوحيد لي عندك هو فن النصب والاحتيال، مرحبا بيك في نادي خيانة الوطن! القوانين سهلة: سبّ البلاد، كذّب، شهّر، وخود فلوس السكوت!
عصابة “المصلحين”.. البزولة دايرة الديفو
ياك شفناهم؟ البارح كيضربو الطم، واليوم ولى عندهم لسانين: لسان يسبّ الوطن، ولسان يلحس الفلوس! شي جايبها بالتحليل السياسي بحال “المحقق كونان”، وشي كيدير فيها مافيا المعارضة، وكيتسابق مع الريح باش يكون كبير الخونة.
كندا.. أرض الأحلام ولا دار الدعارة السياسية؟
مزيان تهرب من المغرب وتجلس فشي قهوة فمونتريال، وتبدا توزع الأحكام، وتقول: حنا بغينا نقيو لبلاد! ولكن بصحتكم، تنظيف البلاد بدا من جيوبكم! نهار كيشدّو “التبرع” على ظهر الشعب، وكيقتاسموا الفلوس كيفاش كيرضعو، هنا تولي القسمة فيها الضحك والدموع!
الحرب ديال الشلاهبية.. النصاب نصب على النصاب!
كيفما كيقولو المغاربة: “ما شافوهمش كيسرقو، شافوهم كيقسمو!”، والفضيحة الأخيرة ما كانت غير مسألة وقت! النصاب الكبير “جيراندو” شد الرشوة، والصغير “التنارتي” طاح ليه المورال حيث نصبو عليه!
واش شفنا شي حد كايضرب على شي قضية حقيقية؟ لاااااا! شفنا غير واحد كيسبّ الآخر على حساب القسمة! القضية بحال شي حرب مومسات على الزبون، ولا متسولين كيتقاتلو على الزنقة لي كتعطي مداخيل حسن.
“المعركة مستمرة”.. ولكن لا شرف ولا بطولة
دابا كل واحد باغي يكون “كبير الشلاهبية”، والبقية خاصها تحني الراس وتجمع الفتات، و”الفرشة” و”التحدي” ولاو بحال شي جوج شفارة طاحو فبعضياتهم فالسويقة.
ولكن الحقيقة، هاد المسرحية قربات تسالي، والمغاربة عاقوا بيكم! خيانة الوطن ما كتخلّدش الأسماء، كتخلّد الفضايح! ودابا لي بغا يتفرج فالمهزلة، يجلس ويشد المونادا، حيث الحلقة الجاية فيها بزاف ديال القرارات الاستراتيجية على كيفاش يقسمو الغنيمة بلا ما يضاربو!
المهم، قبح الله سعيكم، وديما المغرب شامخ عليكم بالخونة ولا بلا بيكم! 🚮🔥
